Во четиримесечните борби за сирискиот град Рака биле убиени 3.250 лица, од кои најмалку една третина биле цивили, објави Сирискиот центар за мониторинг за човековите права со седиште во Лондон, по денешната вест дека бунтовничката коалиција Сириски демократски сили го освои ова главно упориште на групата Исламска држава (ИД) во Сирија.
Сириските демократски сили, кои ги сочинуваат курдски и арапски бунтовнички групи, што уживаат американска поддршка, ја освоија Рака по долготрајна опсада.
Според Центарот, стотици лица се водат како исчезнати, при што за голем дел од нив се верува дека се цивили убиени во воздушните и артилериските напади и уличните борби и се закопани во дворовите на нивните куќи.