Во неколку одвоени напади на бунтовниците во централниот дел на Ирак денеска загинаа девет полицајци и војници, а беа повредени 19, истакнуваат ирачки безбедносни функционери.
Вооружени лица нападнаа полициски пункт во источниот и југо-западниот дел на Багдад, при што загинаа двајца полицајци, војнк, а повредија уште шестмина војници.
Во западниот дел на Багдад, бригадниот генерал и неговиот возач биле убиени во престрелка, додека западно од ирачкиот главен град експлодира автомобил-бомба паркиран веднаш до полициска патрола во Фалуџа, при што загинаа двајца полицајци, а повредени се седуммина.
Уште две лица загинаа во близина на полициската станица во градот Тармијах северно од Багдад, кога експлодирал паркиран автомобил, пренесува Асошиетед прес.