Во Австралија, односно во сојузната држава Квинсленд, од 1 март возачите ќе можат на регистарските таблички на своите автомобили да додадат еден од петте понудени „емотикони“, освен буквите и бројките.
Емотиконите нема да бидат дел од официјалната регистрација, туку ќе служат само како декорација, покрај максимално пет знаци – три букви и две бројки. Националната асоцијација за автомоби на Австралија и досега не беше многу конзервативна кога се во прашање новите трендови, бидејќи возачите можеа да го додадат логото на својот омилен клуб или на својата компанија.
Сите оние кои ќе сакаат на регистарските таблички да додадат и емотикон ќе треба да платат 450 австралиски долари, односно 283 евра.