Најмалку осум исламисти, германски државјани, се уапсени во полициска рација во Северна Рајна Вестфалија поради сомнеж дека со кражби во цркви и училишта собирале средства за поддршка на џихадисти во Сирија, јавуваат германските медиуми.
Во акцијата, со центар во градот Келн учествувале 240 полицајци, а извршени се претреси на домови и простории на 20 осомничени, што се обвинети за фалсификување пасоши за доброволци во света војна.
Германија со сите средства се бори против сите што на нејзина територија работат за ИД, додека баварската Христијанско-социјална унија бараше на исламските терористи да им биде одземено германското државјанство.
Владата на Германија, исто така, најави дека планира да го заостри кривичното право во две точки. Кривично гонење за сите што ја напуштаат земјата за пристапување кон терористички организации и кривично гонење за лица што финансираат тероризам.