Поради пандемијата со Ковид-19 во светот во 2020 година забележан е пад на странските инвестиции од 42 проценти. Сличен пад имало во 90-тите години од минатиот век, се наведува во извештајот на Конференцијата на Обединети нации за трговија и развој (УНЦТАД).
УНЦТАД наведува дека во 2019 година странските инцвестиции достигнале до 1,5 трилиони долари.
Експертите од УНЦТАД прогнозираат дека годинава ситуацијата ќе се подобри, но оти странските инвестиции и понатаму ќе бидат на ниско ниво поради Ковид-19.
Најголем пад од 69 отсто или 229 милијарди долари на директните странски инвестиции е забележан во развиените земји. Странските инвестиции значително се намалени и на ниво на Европа односно забележан е пад од две третини или за четири милијарди долари.