Властите во градот Херсон воведоа полициски час за безбедност на жителите, соопшти во видео порака началникот на регионалната воена управа Јарослав Јанушевиќ.
„Нашата задача е да ја обезбедиме безбедноста на вашиот живот. Затоа, принудени сме да воведеме полициски час од 17 до 8 часот. Соодветната наредба беше потпишана од шефот на воената управа на градот Херсон“, рече тој.
Јанушевиќ предупреди и дека излегувањето и влезот во градот ќе биде ограничено поради деминирање.
Украинскиот претседател Володимир Зеленски изјави дека украинската армија воспоставила контрола врз повеќе од 60 населени места во регионот Херсон и дека се спроведуваат „стабилизациони мерки“ во градот.
Тој додаде дека руската војска ја уништила целата критична инфраструктура во Херсон пред да побегне, вклучувајќи ги и комуникациите, снабдувањето со вода, греењето и електричната енергија.