Компании што се занимаваат со производство на електрична енергија во Германија, ја тужат Влада во Берлин поради одлуката за затворање на нуклеарните централи во земјата до 2022 година.
Како што јави дописникот на МИА од Берлин, на своето дводневно заседание, што започна денеска, германскиот Уставен суд треба да одлучи по барањето државата да им исплати 25 милијарди евра оштета за компаниите Е.ОН, РВЕ и „Ватенфал“, кои ќе претрпат најголема штета од одлуката за затоврање на атомските централи.
Судењето се случува на петгодишнината од инцидентот во атмоската централа „Фукушима“, по кој германската Влада се обидува да го забрза процесот на затворање на нуклеарките во Германија.
Трите наведени компании се жалат дека со одлуката на Владата губат огромни средства и дека немаат доволно време да ја замената атомската со енергија од обновливи извори.