Кога во 1978 година УНЕСКО првпат ја објави листата на заштитено светско културно наследство на неа се наоѓаа само 12 атракции.
На оригиналата листа се наоѓаат островите Галапагос и главниот град Кито во Еквадор, Националниот парк Јелоустоун и Националниот парк Меса Верде во САД, Националниот историски парк Ланси Медоуз и Националниот парк Нахани во Канада, Националниот парк Семјен и монолитната црква во Лалибел во Етиопија, рудниците за сол Величка и Бохња во Полска, островот Гор во близина на Дакар (Сенегал) и катедралата во Ахен во Германија.
Оваа листа денес вклучува 1.031 атракција, меѓу кои и фабриката за преработка на месо во Фрај Бентос во Уругвај, која под заштита на УНЕСКО се наоѓа од почетокот на јули минатата година.
Како што е прикажано на мапата земјите со најголем број заштитени локации се Италија (51), Кина (48), Шпанија (44) и Франција (41).
Од друга страна, Мјанмар и Парагвај имаат само по една заштитена атракција, Камбоџа, Исланд и Ирска по две, а Нов Зеланд три.
Кога станува збор за континенти, најбогати во однос на ова прашање се Европа и Северна Америка, со 420 културолошки, 61 природен и десет комбинирани атракции. Арапските земји имаат најмалку 79, од кои 33 отсто се загрозени.
Најзагрозени региони според УНЕСКО се Африка и блискоисточните земји, со по 16 загрозени атракции во двете области.
Експертите особено предупредуваат на Сирија, каде припадниците на Исламска држава во мај 2015 година го зазедоа и му нанесоа штета на древниот град Палмира.