Видодо: Путин прифати да присуствува на Самитот на Г-20 во ноември

Од:

Рускиот претседател Владимир Путин ја прифати поканата да присуствува на Самитот на Г-20 што ќе се одржи на индонезискиот остров Бали во ноември, изјави денеска индонезискиот претседател Џоко Видодо, објави Си Ен Ен.

– Индонезија сака да ги обедини Г-20. Да не се дозволи да има поделеност. Мирот и стабилноста се клучни за закрепнување и развој на светската економија, истакна Видодо.

Тој го покани и украинскиот претседател, Володимир Зеленски да присуствува на Самитот. Зеленски на Твитер се заблагодари за поканата, но не прецизираше дали ќе отпатува за Бали.

Претходно, индонезискиот претседател телефонски разговараше и со Путин и со Зеленски. Тој му кажал на Путин колку е важно веднаш да се стави крај на војната во Украина, но го известил и за желбата на Индонезија да придонесе за мирно решавање на конфликтот.

Индонезискиот претседател на Зеленски му понудил хуманитарна помош за Украина, но не и воена, што според него, е забрането со индонезискиот Устав и со надворешнополитичките принципи на земјата.

Извор: МИА

Би можело да ве интересира

Лукашенко: Ако Белорусија треба да избере, ќе застане на страната на Русија

Русија негира дека Келог бил исфрлен од преговорите на нивно барање

Русија: Продолжуваме со брз напредок во Курск

Руте повика на нормализација на односите со Русија

САД тајно ги заоструваат санкциите против Русија

Зеленски: Руските услови за прекин на огнот покажуваат дека сакаат војната да продолжи