Патнички воз излета од шините денес во округот Биберах во германската покраина Баден-Виртемберг, при што загинаа неколку лица, објавува „Билд“. Бројот на загинати и повредени сè уште не е познат, а службите за итни случаи се на местото на настанот, објавува „Билд“. Во возот имало над 100 лица.
@abenteuer_deutschland Tragisches Zugunglück in Riedlingen! 🚨 Mehrere Tote und Verletzte! 😢 Hoffen wir auf schnelle Aufklärung! 🙏 Zugunglück Riedlingen BadenWürttemberg Notfälle Rettungskräfte DeutscheBahn Trauer Sicherheit
♬ Originalton – Abenteuer_Deutschland – Abenteuer_Deutschland
Службите за итни случаи во Ројтлинген интерно ја прогласија ситуацијата за „инцидент со масовни жртви“, што во германскиот систем значи настан со голем број повредени или смртни случаи.
Фотографиите од местото на настанот покажуваат дел од возот превртен на страна, додека покривот на еден вагон е отворен.
Неколку вагони целосно излетале од шините и завршиле меѓу дрвја.
Пожарникарите и спасувачите во моментов ги пребаруваат вагоните за патници.
Причината за несреќата сè уште не е позната.