(ВИДЕО) Зеленски: Украина во моментов е најблиску до мир во последниве три години

Од:

Украина успеа да ја одбрани својата држава и независност и сега е поблиску до мир отколку кога било во речиси три години од почетокот на инвазијата, изјави украинскиот претседател Володимир Зеленски во интервју за Асошиетед прес.

„Ние се бориме, живееме, правиме се за да постигнеме мир. Сега сме поблиску од кога било во овие три години војна. Одбраната на нашата држава, независноста, нашата земја, главниот град, многу различни градови и села – сето тоа го постигнавме“, рече украинскиот претседател.

„За жал, изгубивме многу луѓе. Горд сум на нашиот народ и нивната храброст. Кој можеше да замисли дека сето ова ќе се случи? Никој. Кој можеше да ги предвиди сите последици? Никој“, рече Зеленски.

Тој нагласи дека Украина мора да направи се за да го стабилизира животот и сите граѓани конечно да доживеат мир. „Мислам дека тоа е најважно“, додаде тој.

Зеленски ја коментираше и можната улога на американскиот претседател Доналд Трамп во постигнувањето мир. Тој рече дека ако Трамп навистина сака да го натера рускиот диктатор Владимир Путин на мировен договор, ќе успее.

Во интервју за АП, тој предупреди дека исклучувањето на Украина од американско-руските преговори за ставање крај на војната би било „исклучително опасно“. Тој рече дека Киев и Вашингтон мора да ги продолжат разговорите за да развијат план за прекин на огнот.

Би можело да ве интересира

ВИДЕО: Зеленски откри детали за нападот на Кримскиот мост

ВИДЕО: Украина го повторно го нападна Кримскиот мост, силни експлозии во Киев, погодени два големи моста

ВИДЕО: Украина го погоди Кримскиот мост

Катерина Ѓуровски

(ВИДЕО) Зеленски: Онеспособивме повеќе од 55 отсто од руските капацитети за преработка на нафта

Катерина Ѓуровски

Четири земји одбиваат да ја финансираат Украина, Германија се заканува со блокада на буџетот на ЕУ

Европа ги отфрли руските барања за мировните преговори за Украина

Предраг Петровиќ