Украинскиот претседател Володимир Зеленски се сретна со американскиот претседател Доналд Трамп во Вашингтон.
Тема на средбата се безбедносните гаранции и помошта за спречување евентуален нов руски напад, како и потпишување договор за ретки минерали.
Зеленски инсистира дека економскиот договор мора да биде придружен со конкретни безбедносни гаранции. Сепак, Трамп рече дека нема да даде многу безбедносни гаранции, бидејќи Европа ќе го стори тоа.
🇺🇸|🇺🇦US President Donald Trump welcomes Ukrainian President Volodymyr Zelenskyy at the White House pic.twitter.com/5aSNlOVzX8
— Anadolu English (@anadoluagency) February 28, 2025
Зеленски, кој продолжува да се залага за членство на Украина во НАТО или слични безбедносни аранжмани, ќе се обиде да добие одговори од Трамп за клучните прашања како што се дали САД планираат да ја прекинат воената помош за Украина, дали Киев ќе може да купи американско оружје и дали Украина ќе може да ги користи замрзнатите руски средства за набавка на оружје, посочува АП.
Трамп претходно изјави дека американското присуство во рударскиот сектор на Украина може да послужи како „автоматска безбедносна гаранција, бидејќи никој нема да прави проблеми кога Американците се таму“.