ВИДЕО: Во Сибир -50 степени, Москва беше затрупана од рекорден снег за овој период од годината

Од:

Температурите во делови од Сибир паднаа до минус 50 степени Целзиусови, додека снежните виулици ја затрупаа Москва со рекордни снежни врнежи и многу летови беа одложени. Во Република Јакутија (Јакутија), која се наоѓа во североисточниот дел на Сибир температурите паднаа под минус 50 степени Целзиусови, покажуваат метеоролошките станици во регионот.

Поради невообичаено рано заладување, температурите се дури и пониски од минус 50 степени Целзиусови во неколку области на Јакутија, огромен регион само малку помал од Индија. Речиси цела Јакутија е во зоната на вечниот мраз. Во главниот град на регионот Јакутск, кој се наоѓа на околу 5.000 километри источно од Москва, температурата беше околу минус 44 степени до минус 48 степени Целзиусови.

Температурите од минус 50 Целзиусови степени станаа поретки во последниве години поради климатските промени, а вечниот мраз покажува сè поголеми знаци на одмрзнување. Во руската престолнина, некои од најобилните снежни врнежи некогаш забележани предизвикаа одложувања на некои аеродроми во понеделникот, при што пистите беа покриени со густ снег.

Најмалку 54 летови беа одложени, а уште пет откажани на трите најголеми аеродроми во главниот град, јави новинската агенција РИА. Се предвидува дека температурите во Москва ќе се спуштат до околу минус 18 Целзиусови степени кон крајот на оваа недела.

Би можело да ве интересира

Уредникот на „Новаја газета“ е уапсен поради дискредитација на руската армија

ВИДЕО: Владимир Кара-Музра – новото лице на отпорот против Путин

Катерина Ѓуровски

Русија може да користи нуклеарно оружје полесно отколку што се мисли

Русија им ветува помош на земјите од Латинска Америка за да им се спротивстават на САД

Катерина Ѓуровски

(ВИДЕО) Експлозии во руска фабрика: Погодена челичарницата на еден од најбогатите Руси

Горан Наумовски

Османи од ОН во Њујорк: Мораме да и кажеме „не“ на Русија

Предраг Петровиќ