Три лица загинаа во експлозија на бензинска пумпа во Донегал, Ирска, а спасувачите моментално трагаат по луѓе меѓу урнатините на зградите. Во потрагата се вклучени и кучиња. Експлозијата се случи вчера нешто по 15 часот во петокот на бензинската пумпа „Еплгрин“ на периферијата на Крислау.
На фотографиите од местото на експлозијата се гледаат бројни оштетени автомобили и станбен блок кој изгледа уништен, како и дворот околу него, пишува Sky News.
Ирскиот премиер Мајкл Мартин рече дека ова се „најтемните денови“ за Донегал и Ирска.
„Моите мисли и молитви денес се со оние кои ги загубија животите и оние кои беа повредени во разорната експлозија во Крислау. Сакам да изразам најдлабоко сочувство до нивното семејство, пријателите и целата заедница на Крислау, во овие најтемни денови за Донегал и целата земја. Луѓето ширум Ирска се шокирани од оваа трагична загуба на животи. Би сакал да им се заблагодарам на сите служби за итни случаи, од целиот Северозапад и Северна Ирска, кои реагираа толку брзо на местото на настанот и кои работат во текот на ноќта во крајно трауматични околности“, рече Мартин.