Украинската разузнавачка служба (ГУР) соопшти дека била спроведена акција во која биле убиени тројца руски генерали. Тие, наводно, биле ликвидирани во напад во кој била користена ракета ХИМАРС.
Головне управління розвідки МО України разом із союзними структурами провели операцію, в результаті якої знищено трьох офіцерів російської армії в Запорізькій області.
Детальніше: https://t.co/FtQXe9AZY8#news #ukraine #russia #RussiaIsATerroristState #UkraineRussiaWar pic.twitter.com/3d6D8jd8Vn
— Межа (@mezha_net) December 27, 2024
„Тројца офицери на раководството на руските окупаторски сили беа елиминирани како резултат на успешна операција на Одделот за активни дејствија на Главната разузнавачка управа на Министерството за одбрана на Украина, Службата за безбедност на Украина, Силите на беспилотниот систем на вооружените сили на Украина и оперативната група на трупите Таврија“, се вели во соопштението на ГУР.
Како што се наведува понатаму, агентите на ГУР добиле информации за планираниот состанок на генералите на Армијата на Руската Федерација, 4-та гардиска воена база, во регионот Запорожје.
„По проверката и потврдата на податоците, военото разузнавање подготви оперативен план, во кој со свои сили и ресурси учествуваа Командата за специјални операции Таврија, ДГС и тактичката група СБУ Тајфун“, посочува ГУР.
Исто така, се додава дека веднаш по почетокот на теренската средба на „окупаторите“ бил извршен високопрецизен удар на ХИМАРС против група руски офицери и нивните возила.
Се посочува и дека на местото на настанот е испратена руска евакуациска група, која била нападната со нападни беспилотни летала на украинските безбедносни и одбранбени сили.