Украинската воена разузнавачка служба ги повика жителите на Крим да се држат настрана од воените постројки, откако напад со беспилотно летало предизвика огромен пожар во складиште за гориво во градот Севастопол на Крим.
Андриј Јусов, портпарол на украинската воена разузнавачка служба, не изјави дека Украина извршила напад со беспилотно летало врз руско складиште за гориво на Крим, но рече дека пожарот во Севастопол е „Божја казна, особено за цивилите убиени во Уман“.
Aftermath of the UAV strike in Sevastopol. pic.twitter.com/OwtTeLSJYF
— NOËL 🇪🇺 🇺🇦 (@NOELreports) April 29, 2023
Јусов мислеше на неодамнешниот руски ракетен напад врз деветкатна станбена зграда во украинскиот град Уман, во кој загинаа најмалку 23 цивили. „Казната ќе биде долготрајна“, рече тој во интервју за украинските медиуми објавено денеска.
„Ги советуваме сите жители на привремено окупираниот Крим да не престојуваат во близина на воени објекти или објекти што ги користи армијата на агресорот во блиска иднина“, додаде портпаролот на военото разузнавање.
Јусов тврдеше дека во пожарот на Крим се уништени повеќе од 10 резервоари со гориво со капацитет од 40.000 тони. Според него, станува збор за гориво наменето за руската Црноморска флота.