Маж и жена, млад пар, се убиени во пукотница што се случила пред еврејскиот музеј Капитал во Вашингтон, потврдија американски и израелски официјални лица. Напаѓачот е идентификуван како Елиас Родригез (30) од Чикаго, кој, според полицијата, по апсењето извикувал „слобода за Палестина“.
Според шефот на Метрополитен полицијата, Памела А. Смит, околу 21:08 часот. по локално време, полицијата добиla повеќе извештаи за пукање во близина на раскрсницата на улиците Трета и Ф, северозападно од центарот на Вашингтон. По пристигнувањето на местото на настанот, полицајците пронашле возрасен маж и жена – двајцата онесвестени и без знаци на живот.
И покрај напорите на Брзата помош и пожарникарите, двајцата починале од здобиените повреди.
Жртвите, како што е потврдено, го напуштале настанот одржан во Еврејскиот музеј. Американскиот еврејски комитет (AJC) потврди дека таа вечер организирал настан таму. Амбасадорот на Израел во САД, Јечиел Лејтер, рече дека жртвите биле „млад пар кој требало да се вери“ – наводно, младиот човек штотуку купил веренички прстен таа недела и планирал да ја запроси девојката следната недела во Ерусалим.
Смит рече дека напаѓачот бил виден како нервозно оди надвор од музејот неколку моменти пред нападот. Потоа се приближил до групата од четири лица, извадил пиштол и отворил оган.
NEW: This is allegedly the video of the suspect Elias Rodriguez in the fatal shooting outside the Jewish Museum in Washington DC tonight being arrested. He yells, "Free, free Palestine," while being detained by security.
You can see the keffiyeh on the floor
H/T @yuvaldavid https://t.co/va8EN38GQs pic.twitter.com/8rp4xXq9hf
— Ari Hoffman 🎗 (@thehoffather) May 22, 2025
По пукањето, напаѓачот влегол во музејот, каде што бил совладан од обезбедувањето. За време на апсењето, тој им кажал на чуварите каде го фрлил оружјето, кое властите подоцна го пронашле.
Полицијата го идентификуваше осомничениот како Елиас Родригез, 30-годишен од Чикаго, за кого претходно немале досие за безбедносни закани. Инспекторите во моментов веруваат дека тој дејствувал сам и повеќе не е опасност за јавноста. За време на апсењето, Родригез извикуваl „слобода за Палестина“, што дополнително ги подгреа сомнежите дека мотивот за нападот е идеолошки.