Си-Ен-Ен пренесува транскрипт од аудио направено веднаш откако Трамп беше застрелан. Наведуваат како се одвивале хаотичните сцени од перспектива на крвавиот Трамп и оние кои го спасувале.
Трамп беше среде говор кога одекнаа неколку истрели. Потоа го фаќа увото и се наведнува, додека агентите на Тајната служба го опкружуваат. „Долу, долу, долу“, вели еден од нив. Одекнува уште еден истрел и почнуваат врисоци и паника.
Се слушаат неколку гласови на агенти на тајните служби – еден вели „горе!“ други „скалите се готови, скалите се готови“. Се слуша и Трамп, но неговите зборови не се јасни. На сцената влегуваат повеќе агенти, некои држат автоматски пушки. Поддржувачите на Трамп во позадина изгледаат шокирани, додека некои снимаат со своите телефони.
Откако слушнале дека напаѓачот е соборен, Трамп и агентите стануваат. Еве што зборуваат тогаш:
Трамп: Дозволете ми да си ги земам чевлите, дозволете ми да си ги земам чевлите.
Агентот: „Ве држам, господине, ве држам “.
Трамп: Дозволете ми да си ги земам чевлите.
Втор агент: „Чекајте, главата ви е крвава“.
Агентот: „Господине, треба да се преселиме во…“
Трамп: Дозволете ми да си ги земам чевлите.
Потоа ја крева тупаницата кон толпата и трипати го изговара зборот „борба“ – потег кој наидува на овации од насобраната толпа.
Трамп и тимот на Тајната служба заминуваат од сцената и се упатуваат кон автомобилите додека толпата извикува „САД, САД, САД“.