Американскиот претседател Доналд Трамп изјави дека украинскиот претседател Володимир Зеленски не треба да наредува напади врз Москва, и покрај најавата дека Украина ќе добие нови пратки западно оружје и сè поострата реторика кон Русија.
Donald Trump has said Volodymyr Zelenskyy should not target Moscow with strikes after announcing more weapons would be sent to Ukraine and toughened his stance on Russia.https://t.co/V3bMcA8R4w
📺 Sky 501 and YouTube pic.twitter.com/gaH8pIeIjs
— Sky News (@SkyNews) July 15, 2025
Изјавата на Трамп доаѓа откако „Фајненшл тајмс“ објави дека американскиот претседател неодамна го прашал Зеленски дали Украина планира да ја таргетира Москва доколку САД испорачаат оружје со долг дострел. Иако Белата куќа не ги коментираше наводите на британскиот весник, Трамп денес им стави до знаење на новинарите дека не го поддржува таков потег.
Во разговор со новинарите пред да ја напушти Белата куќа, Трамп го коментираше и својот ултиматум до Русија, според кој Москва има 50 дена да се согласи на прекин на огнот во Украина, во спротивно ќе се соочи со високи царини.
„Ќе видиме што ќе се случи со претседателот Путин“, рече Трамп.
На прашањето дали сега е на страната на Украина, Трамп одговори: „Не сум на ничија страна. Јас сум на страната на човештвото“.
Тој додаде дека сака да го запре убивањето: „Сакам да го запрем масакрот на илјадници луѓе неделно“, рече Трамп.