Американскиот претседател Доналд Трамп го обвини својот украински колега Володимир Зеленски за несоодветно однесување за време на посетата на американскиот министер за финансии Скот Бесент минатата недела.
„Скот Бесент всушност отиде во Украина и тие се однесуваа лошо со него бидејќи во основа рекоа „не“, а Зеленски спиеше и не можеше да се сретне со него. Бесент отиде таму да потпише документ и се врати со празни раце. Тие не сакаа да го потпишат документот“, рече Трамп.
Trump:
Scott Bessent actually went to Ukraine and was treated rudely because they basically said 'no' and Zelensky was sleeping and couldn't meet with him.
He went there to sign a document and when he got there, he came back empty-handed. They wouldn't sign the document. pic.twitter.com/twrxKGUxhe
— Clash Report (@clashreport) February 20, 2025
Бесент се сретна со Зеленски во Киев на 12 февруари и му го претстави нацртот на украинско-американскиот договор за минерали, пренесе Интерфакс.
Зеленски синоќа ги отфрли американските барања за 500 милијарди долари (479,23 милијарди евра) минерали од Украина за да може Вашингтон да продолжи со воена помош за Киев, велејќи дека САД досега не доставиле ни приближно до таа сума и не понудиле конкретни безбедносни гаранции во договорот, што може да биде причина за обвинувањата на Трамп против украинскиот лидер.