Трагедија се случила во Бразил кога брачна двојка со бебе се обидела да избега од пожарот, но единствениот излез било да скокне од терасата на нивниот стан, поточно од седмиот кат. Тие не преживеаја.
Um incêndio atingiu o sétimo andar de um prédio na cidade de Valparaíso de Goiás na manhã desta terça-feira (27). Devido às chamas intensas, um casal e uma criança ficaram presos em seus apartamentos, não conseguiram sair em segurança do edifício e decidiram se jogar da varanda.… pic.twitter.com/j6SP4uTdne
— Jovem Pan News (@JovemPanNews) August 28, 2024
Пожарот избувнал околу 10:30 часот во нивниот стан, а според првичните сомнежи на пожарникарите причината најверојатно е истекување на плин.
Грацијана Роса де Оливеира (34), Луиз Евалдо Лима (28) и нивното бебе Леонардо, старо само 23 дена, панично скокнале од седмиот кат на зградата поради пожарот.
Соседите пријавиле дека слушнале врисоци и веднаш излегле да ја проверат ситуацијата. Забележале огромни пламени јазици кои ги зафатиле соседните станови, додека извештаите укажуваат дека се повредени уште 12 лица.
На видеото направено од блиската зграда се гледа како пламенот висок неколку метри допира до прозорците на последниот кат.
Во гаснењето на пожарот учествувале 40 пожарникари, но Луиз, неговата сопруга и нивното бебе за жал загинале.
Во тек е истрага.
Луиз работел како келнер, а Грацијана козметичарка.
Грацијана имала и ќерка од првиот брак која била во станот за време на пожарот, но успеала да побегне. Исто така, нејзината баба успеала навреме да побегне по скалите.
Луиз и Грацијана се запознале во 2019 година во продавницата каде што работеле заедно и брзо се заљубиле.