Неколку десетици насилни демонстранти денеска се судрија со полицијата во италијанскиот град Лука, каде се одржува средба на министрите за надворешни работи на Групата седум најразвиени земји во светот (Г-7).
Неколку стотици демонстранти се собрале пред средновековната тврдина во Лука, каде помала група насилни учесници на протестот се судирле со полицајците, кои ги спречиле во нивниот обид да се пробијат до местото на одржување на средбата.
Како што јавија италијанските медиуми, пред почетокот на судирите демонстрантите скандирале „полицијо оди си“.
Дводневната средба во Лука се одржува под засилени безбедносни мерки, поради очекуваниот протести на антиглобалистите.