Во станбена зграда во Стразбур избувна пожар, при што загина 50-годишен маж со попреченост, а осум други се повредени и хоспитализирани со релативно сериозни повреди, објавија француските медиуми. Пламените се прошириле од приземјето до врвот на зградата, објави BFM TV, повикувајќи се на извори од противпожарната бригада.
Strasbourg: au moins une personne décédée lors de l'incendie d'un immeuble pic.twitter.com/N8uGIknULs
— BFMTV (@BFMTV) September 21, 2025
Другите жители успеале да избегаат од зградата.
„Некои деца скокнаа од прозореците, а една жена беше заробена на покривот“, изјави за новинарите Надија Зурги, заменик-градоначалничка на Стразбур за јавен ред.
Вкупно 59 пожарникари со 30 возила беа распоредени на местото на настанот, на околу три километри од катедралата во Стразбур.