Властите во францускиот регион Жиронда донесоа одлука за дополнителни евакуации на населението поради големиот шумски пожар што се приближува до областа околу Бордо и кој прерасна во појава опишана како „огнена бура“.
Директорот на Службата за вонредни состојби во Жиронда, Марк Вермелен, изјави дека пожарот, кој првично имал карактеристики на пирокумулус – облак што се создава поради екстремната топлина од пожарот – сега се развива во пирокумулонимбус, односно бура поврзана со големи пожари.
🔴🟢🇫🇷 Un incendie de forêt dévastateur ravage la région de la Gironde en France et se rapproche de Bordeaux, obligeant 141 000 personnes à évacuer. pic.twitter.com/hAsOEfSWf4
— Amir Nourdine Elbachir (@amir_nourdine) July 25, 2026
„Станува збор за вид огнена бура која создава молњи уште пред да пристигне овој пирокумулонимбусен облак, а тие молњи можат да предизвикаат нови пожари. Со други зборови, ќе се создаде огромен број жарчиња што ќе се разнесуваат наоколу. Поради тоа се наредени дополнителни евакуации во близина на Бордо“, изјави Вермелен, додавајќи дека ваков феномен досега не бил забележан во Франција.
Според него, временските услови во текот на ноќта би требало да бидат поповолни за продолжување на гаснењето на пожарот во областа Жиронда, во близина на Лакано.
Fransa İçişleri Bakanı : 🔥🔥🔴Bordeaux kentini boşaltmak zorunda kalabiliriz. Olmaması için çabalıyoruz
270 bin nüfuslu koca şehir 💥 pic.twitter.com/fMyKeRahLl
— Selim Atalay (@SelimAtalayNY) July 25, 2026
„Доколку временската прогноза се оствари, ноќните услови треба да им овозможат на пожарникарите поефикасно да интервенираат на терен“, рече Вермелен, нагласувајќи дека во гаснењето учествуваат голем број пожарникари, како и дополнителни сили испратени од француската влада.
Директорот на противпожарната служба потсети дека во изминатите денови двајца пожарникари ги загубиле животите за време на интервенциите, додека екипите на терен воделе тешка битка за одбрана на куќите, буквално објект по објект, во областа Лежа.
Префектот на Жиронда, Софи Брокас, изјави дека пожарот и натаму претставува „многу сериозна закана“ и ги повика граѓаните да не ја намалуваат претпазливоста.
⚡️🔥 RECAP | Le feu en Gironde en 4 jours :
Mercredi → petit départ de feu
Jeudi → milliers de personnes évacuées
Vendredi → 110 000 personnes doivent fuir
Samedi → le feu avance vers BordeauxL’armée est maintenant en renfort.
Les vidéos sont impressionnantes et… pic.twitter.com/QpxjaN09pI
— AlertesNewsFR (@AlertesNewsFR24) July 25, 2026
Француската армија се вклучи во гаснењето на пожарите
Сите три рода на француските вооружени сили се ангажирани во помош на цивилните служби во справувањето со големите шумски пожари што зафатија делови од земјата, изјави француската министерка за одбрана Катрин Вотрен.
Таа соопшти дека за оваа операција се мобилизирани околу 1.500 војници, при што копнената војска, военото воздухопловство и морнарицата имаат различни задачи.
🔴🇫🇷 ALERTE INFO – Le feu en Gironde se trouve désormais à seulement 15 km de Bordeaux, annonce le maire de la ville. pic.twitter.com/gQyoKINtJa
— Media Express (@media_express_e) July 25, 2026
„Копнената војска ќе биде особено ангажирана во помошта на населението, обезбедувајќи автобуси и возачи за евакуација и транспорт на луѓето“, изјави Вотрен.
Според неа, военото воздухопловство веќе користи хеликоптери, беспилотни летала од типот „Reaper“, како и воен транспортен авион за превоз на опрема.
Француската морнарица досега учествувала во евакуацијата на околу 1.300 лица меѓу Кап Фере и Аркашон, додаде министерката.