Евгениј Пригожин, основач на приватната воена компанија Вагнер, вчера објави дека неговата платеничка група почнала да прима муниција. „Според прелиминарните податоци, почнуваме да добиваме муниција“, рече тој вчера во аудио пораката што ја објавија неговите портпароли. Тој додаде дека во Бахмут се водат „жестоки“ борби, но тврди дека неговите сили напредуваат, пишува Киев пост.
Сепак, Пригожин рано утрово објави нова снимка. „За да не се расипе ничиј одмор, целосното видео кое ви кажува за состојбата со муницијата ќе биде прикажано точно во 10:40, по завршувањето на победничката парада. А бидејќи е 3:30 часот наутро, имаме уште време – кој знае, можеби ќе ја добиеме муницијата. Тогаш нема да го покажеме“, рече тој.
На крајот го објави видеото со кое се заканува. Во него тој ја обвини руската воена единица дека бега од нејзините позиции во близина на Бахмут во источна Украина, каде во моментов се водат најжестоките борби. „Денеска единица на Министерството за одбрана побегна од едно од нашите крила… оставајќи разоткриен фронт“, рече Пригожин.