(ВИДЕО) Се појавијаа снимки од иранскиот напад врз Израел: погоден е центарот на Хаифа, неколку ракети ја пробија израелската одбрана

Од:

Видеата објавени на социјалните мрежи ги прикажуваат моментите кога иранските ракети го погодија израелскиот град Хаифа, кога бил погоден и самиот центар на градот.

Според достапните информации, најголемиот дел од снимките од уништувањето доаѓаат од Хаифа, а погодено е подрачјето каде што се наоѓаат важни градски инфраструктури.

Локалните медиуми во Израел објавија дека целите на ракетните напади биле лоцирани низ целата земја. Покрај Хаифа на север, погоден е и Бер Шева на југ, кој претходно бил честа цел на иранските напади, како и областа на Ерусалим, каде што е пријавен барем еден директен ракетен удар.

Нападот доаѓа како одговор на претходните израелски воздушни напади врз цели во Иран. Корпусот на Исламската револуционерна гарда (ИРГК) испали најмалку 20 балистички ракети на израелска територија.

Израелската армија објави дека нејзините системи за воздушна одбрана се активирани и се справуваат со повеќе ракети, особено над Тел Авив, но се чини дека неколку ракети сепак успеале да ја пробијат одбраната и да погодат цели на земја.

Ројтерс претходно објави дека експлозии биле пријавени над Тел Авив и Ерусалим кратко откако израелската војска објави дека пресретнува ирански ракети. Сирени за тревога беа вклучени низ целата земја, а граѓаните беа поканети да се засолнат во заштитената зона.

Би можело да ве интересира

Демонстрантка e уапсена на антивоени протести во Тел Авив

Пакпур: Израелскиот режим ќе добие поразорен одговор

Бројот на жртви во Газа достигна 62.600, 34 Палестинци се убиени денес

Кац предупредува на „порти на пеколот“ во Газа

Израелските сили продолжуваат со нападите и рациите североисточно од Рамала

Горан Наумовски

Tехеран: Не се плашиме од заканите на Франција, Германија и Велика Британија