Русија и Кина ги одржаа првите заеднички воени вежби откако рускиот претседател Владимир Путин нареди напад врз Украина пред три месеци, пишува Њујорк Тајмс.
Висок американски функционер изјави дека американската влада ја следи заедничката руско-кинеска воена вежба во североисточна Азија што се одржуваше и додека американскиот претседател Џо Бајден се сретна со лидерите на Јапонија, Австралија и Индија во Токио.
Официјален претставник, кој сакаше да остане анонимен, рече дека Русија и Кина испратиле бомбардери преку Јапонското Море, по што авионите продолжиле кон Источното Кинеско Море.
Јужнокорејските власти потврдија дека два кинески воени авиони и четири руски воени авиони влегле во зоната за идентификација на нивните авиони. Заедничката воена вежба се смета за сигнал за силна врска меѓу Кина и Русија во екот на војната во Украина.