Рускиот претседател Владимир Путин денеска ги покрена вежбите на стратешките нуклеарни ракетни сили, а Вашингтон соопшти дека руските сили во близина на украинската граница се „подготвени за напад“.
Вежбите на руските нуклеарни сили вклучуваат лансирање на балистички и крстаречки ракети, соопшти Министерството за одбрана. Портпаролот на Кремљ, Дмитриј Песков, рече дека вежбите се дел од редовната постапка на обука и дека Путин најверојатно ќе учествува од „ситуацискиот центар“.
-Русија успешно ги тестираше своите нуклеарни балистички ракети и хиперсоничните ракети како дел од годишните стратешки вежби „Гром“, соопшти Кремљ. „Сите проектили ги погодија своите цели“, се вели во соопштението и се додава дека во вежбите се вклучени и нуклеарните подморници и бомбардерите Ту-95.