Украинската полиција соопшти дека 19-годишна девојка била ранета, а приватни домови и возила биле оштетени во напад на руски беспилотни летала во Киев синоќа.
– Во текот на ноќта Русија изврши уште еден напад со беспилотни летала врз регионот на Киев. 50 минути по полноќ ударните бранови од експлозиите искршиле прозорци на куќи во квартот Буча, а изгорела и двокатна приватна куќа. Итните служби работат на гаснење на пожарот, соопшти полицијата во објава на Телеграм, пренесува Укринформ.
Russian drones just struck a residential building packed with civilians in Kyiv.
The number of victims is are still being clarified.. pic.twitter.com/ofDf3FBdY4
— KyivPost (@KyivPost) February 25, 2025
Овој медиум наведува дека непосредно пред воздушните напади врз регионот на Киев, руските сили лансирале повеќе групи беспилотни летала во различни правци.
Поради тоа во неколку украински региони е прогласена вонредна состојба.
„Киев пост“ пишува дека станбена зграда на периферијата на украинската престолнина која била погодена од руски дрон била полна со цивили и изгорела до темел.
На социјалните мрежи се појавија снимки од операциите на украинската воздушна одбрана (АДФ) за време на напад со руски дрон, на кои се гледаат редови црвени ленти на ноќното небо.