Американската вселенска капсула „Драгон“ на „СпејсЕкс“ стигна до Меѓународната вселенска станица (МВС) за само седум часа и 55 минути, што според НАСА е најкраткото време од лансирање до пристигнување на американско вселенско летало во историјата на станицата.
Краткото патување било овозможено поради позицијата на МВС во моментот на полетувањето. За споредба, на претходниот екипаж од истата мисија, кој полетал во февруари, му биле потребни повеќе од 30 часа за да стигне до станицата.
На „Драгон“ се четворицата астронаути – Џесика Воткинс и Лук Дилејни од НАСА, канадскиот астронаут Џошуа Кутрик и рускиот космонаут Сергеј Тетерјатников. Тие треба да поминат околу шест месеци на МВС, која се наоѓа на околу 400 километри над Земјата.
Меѓународната вселенска станица останува едно од ретките места каде што продолжува соработката меѓу САД и Русија, и покрај прекинот на голем број други меѓународни форми на соработка по руската инвазија врз Украина во 2022 година.
МВС е во континуирана употреба околу 25 години, а НАСА планира да ја користи до 2030 година.