Претседателот на Русија, Владимир Путин ги „ослободи“ своите „ангели на смртта“, пишуваат западните медиуми. Всушност, станува збор за жени кои штотуку завршиле училиште за воени пилоти.
Тие беа видени за време на викендот на парадата во Краснодар, откако ги исполнија сите услови за да се запишат на Воздухопловниот колеџ Серов.
Тие се обучуваат да користат стратешки нуклеарни бомбардери, како и транспортни авиони, пишува „Дејли мејл“.
„Жените пилоти ја продолжуваат нашата традиција“, рече рускиот министер за одбрана Сергеј Шојгу и додаде:
„Вие сте пример за оние девојки кои ќе ве следат“.
За потсетување, водачот на СССР Јосиф Сталин им дозволи на жените да летаат и да се борат за време на Втората светска војна, а 23 од нив подоцна беа прогласени за херои на Унијата.
„Девојките се многу романтични“
Полковникот Олег Пчела им порача на кандидатките дека девојките обично се поемотивни и понежни, но истакна дека имаат голема желба да и помогнат на државата.
„Тие имаат добра мотивација што ќе им овозможи да научат да управуваат со нашите воени авиони и да ги извршуваат задачите на нивните команданти. Да се стане воен пилот е многу одговорна работа. Тоа е тешка професија, бара високи морални вредности, рече тој.