Хамас прикажа промотивно видео од торпедото кое го води Ал Асеф.
Локално произведено оружје наводно било користено против повеќе израелски цели. Ова е првото видео на кое се гледа ваков тип на оружје во служба на Хамас.
Хамас сподели малку информации за оружјето. Сепак, анализата на сликите открива неколку детали.
Се чини дека станува збор за основно полупотопно беспилотно подводно возило (UUV). Носот има рудиментиран осигурувач за удар за скромна големина на експлозивна боева глава. Воден е од камера во стилот на го-про која е поставена блиску до телото. Ова сугерира само многу плитко нуркање за време на нападот.
Телото налик на торпедо е метално, што овозможува скромна длабочина на нуркање. Можно е да е составен од цилиндри со компримиран гас. Се чини дека нема софистициран пловни систем, така што длабочината на нуркањето веројатно е контролирана од големите површини на задната страна. Завртката (пропелер) и обвивката можеби се симнати од старо нуркачко погонско возило (DPV).
#Hamas says it has developed and used for the first time homegrown Al-Asef guided torpedo. pic.twitter.com/pk0kM674sb
— deepankarthish (@deepankarthishb) November 1, 2023
Не е јасно дали користи батерии за погон или некој облик на мотор со внатрешно согорување. Меѓутоа, шупливото црево се протега по надворешната страна на возилото. Ова го подразбира второто, мотор со внатрешно согорување, веројатно бензин. Ако е така, тогаш моторот е приближно со иста големина како и моторите на беспилотни летала (UAVs).
На видеото се гледаат четворица нуркачи на Хамас од бригадата Ал-Касам како го носат оружјето во водата. Очигледно беше користен за време на нападот на Хамас врз Израел на 7 октомври 2023 година, во операција поплава Ал-Акса. Овој факт е непроверен, но јасно е постоењето на оружјето. Врз основа на достапните видео докази, се знае дека се направени најмалку две оружја, но веројатно има повеќе.
Иако сликите нудат нови детали, постоењето на подводните „торпеда“ на Хамас беше познато за јавноста. Во мај 2021 година, израелската влада објави дека Хамас се обидел да ги нападне израелските поморски средства со слично оружје. Беше лансиран од северна Газа, во близина на 31,529581°, 34,437747°. Израелските сили брзо го неутрализираа и оружјето и тимот што го лансираше.
Слично оружје, кое ги комбинира карактеристиките на торпеда и подводни беспилотни летала, развија Иран и Северна Кореја. И можеби Хезболах во Либан и движењето Хути во Јемен имаат нешто слично. Иранските се попрофесионални, како торпедо со долг дострел. А севернокорејското семејство „хаил“ е многу поголемо и тешко вооружено, веројатно со нуклеарна боева глава.
Затоа, нема сомнеж дека другите оружја од овој тип се пострашни, но тоа не значи дека торпедото Ал-Асеф нема да биде сфатено сериозно, пишува Naval News.