Невремето што ја зафати Италија во последните неколку дена парализира одредени градови, а првиот смртен случај е забележан во регионот Емилија Ромања во Болоња. Силното невреме предизвика штети во различни делови на Италија, а особено беше погодена Болоња. Повеќе од 80 милиметри дожд падна за околу четири часа во саботата навечер, поплавувајќи ја Болоња и околината.
⛑ Ricognizione aerea con l'elicottero dei Vigili del Fuoco (VVFF) sui comuni di Castenaso e Budrio, provincia di Bologna, e su Cadelbosco di Sopra a Reggio Emilia. pic.twitter.com/nViHs8JSPx
— Italia 24H Live 🔴 – Notizie dall'Italia (@Italia24HLive) October 20, 2024
Првата смрт била потврдена во неделата наутро, а како што пренесува РАИ, во возилото бил 20-годишен маж со својот брат, кој за среќа успеал да се спаси. Поројот го однел автомобилот низводно, но братот успеал да излезе од автомобилот, додека 20-годишникот немал толку среќа.
Il cambiamento climatico non esiste (cit) #alluvione #Bologna https://t.co/q0iHOtWBg2
— Raffaella Ruggeri (@Rugge2Raffaella) October 20, 2024
„Не можеме да пристапиме на различни делови од градот. Телефонските врски се прекинати, бараме помош“, рече Лука Векијетини, градоначалник на Пјанор.
Се наведува дека ситуацијата е се уште критична Во општината е наредена евакуација во подрачјата кои беа сериозно погодени од поплавите, а во саботата беше на сила црвен аларм. Денес ситуацијата е малку подобра. Матео Лепоре, градоначалникот на Болоња, ги замоли жителите да останат дома или да се засолнат на повисоките катови во критичните области.