Канаѓанецот за кој се веруваше дека се наоѓа во вегетативна состојба повеќе од 10 години, успеал да им каже на лекарите дека не чувствува болка, јави Би-би-си.
Ова е прв пат еден некомуникативен пациент со тешко оштетување на мозокот да биде во состојба да даде одговори што се клинички релевантни за неговата состојба.
Лекарите му поставувале прашања на 39-годишниот Скот Раутли додека ја скенирале неговата мозочна активност. Поради овој случај ќе мора одново да се пишуваат многу медицински книги. Пациентите во вегетативна состојба се будат од кома во состојба во која имаат будни периоди, со отворени очи, но немаат перцепција за себе и светот околу нив. Ниедни физички прегледи досега не дале докази за свеста и можноста за комуникација.