Толпа демонстранти упаднаа во парламентот, го претепаа претседателот Арарат Мирзојан, кој сега се наоѓа во тешка состојба, а во текот на ноќта се слушаа истрели на улиците.
Толпата упаднала и во зградата на ерменскиот парламент, каде имало конфликт, а летале разни предмети.
Protesters took chairs in Parliament. ?#armenia #Yerevan pic.twitter.com/v3XFE8MtVE
— Natasha from Russia (@natashasrussia) November 9, 2020
Претседателот на парламентот Арарат Мизојан бил претепан, а како што откри ерменскиот премиер Никол Пашинијан во обраќањето преку видео врска на „Фејсбук“, Мирзојан бил опериран, но неговиот живот не е загрозен.
Meanwhile #Armenia pic.twitter.com/wj7lMYPK1f
— Arzu Jaeed (@ArzuJaeed) November 9, 2020
– Насилниците го претепаа Арарат Мирзојан. Тој сега е на операција и неговиот живот не е во опасност – истакна Пашинијан.
Акциите во Ереван беа поттикнати од изјавата потпишана вчера меѓу рускиот претседател Владимир Путин, азербејџанскиот лидер Илхам Алиев и ерменскиот премиер Никол Пашинјан, која најавува целосен прекин на воените дејствија во Нагорно Карабах.
„Република Азербејџан и Република Ерменија остануваат на своите позиции. Мировниот контингент на Руската Федерација се наоѓа по должината на линијата за контакт во Нагорно Карабах и по коридорот што го поврзува Нагорно Карабах со Република Ерменија“, вели Путин во изјавата.
Исто така, се наведува дека внатрешно раселените лица и бегалците се враќаат на територијата на Нагорно Карабах и околните области под контрола на Високиот комесаријат за бегалци на ООН.