Иранската Исламска револуционерна гарда (IRGC) соопшти дека извршила ракетни напади врз американски воени бази во Јордан и Кувајт, при што, според нејзините тврдења, загинале американски војници, а биле уништени борбени авиони Ф-35 и воена инфраструктура.
Во соопштението објавено од официјалното гласило на Револуционерната гарда „Сепах њуз“ се наведува дека воздушно-космичките сили на IRGC истрелале повеќе балистички ракети кон воздухопловната база Ал Азрак во источен Јордан.
Според тврдењата на Иран, во нападот загинале повеќе припадници на американските сили, а целосно биле уништени три борбени авиони Ф-35, додека уште три биле оштетени. Наводно биле погодени платформите за распоредување и хангарите за одржување на овие авиони.
Иранската Револуционерна гарда соопшти дека нападот бил изведен како одмазда за неодамнешните американски воздушни удари врз иранскиот остров Кешм во Ормускиот Теснец, во кои, според Техеран, загинале тројца членови на едно семејство, меѓу кои и едно дете.
Во соопштението се потсетува и дека во средината на јули, според иранските информации, во напад врз воздухопловната база Мувафак Салти во јужен Јордан загинале тројца американски војници.
Iran is firing ballistic missiles at U.S. bases in Kuwait and Jordan.
This has been happening for several hours.
Satellite images may later reveal how much damage was done. pic.twitter.com/vPt6bk6UgT
— AFTERMATH (@THEAFTRMTH) July 30, 2026
IRGC соопшти дека во рамките на операцијата „Наср 2“ бил нападнат и американскиот воен објект Али ал Салем во Кувајт.
Според тврдењата на Револуционерната гарда, во нападот биле запалени и уништени два хангара за беспилотни летала, како и резервоар за гориво што го користеле американските воени авиони и хеликоптери.
Иран ја опиша операцијата како одмазда за, како што наведува, американската агресија.
Explosions shake Jordan.
Plumes of smoke rising from Jordan, visible from the Syrian province of Daraa.
Plumes of smoke following the Iranian missile and drone attack.#Iran
pic.twitter.com/F2e60oAsFe— IRGC (@IRGC_Global) July 30, 2026
Воедно, IRGC порача дека операциите против американските сили во регионот ќе продолжат сè додека американската војска не го напушти Блискиот Исток. Во соопштението е упатен и повик до граѓаните на Кувајт да разберат дека, според Иран, кампањата е насочена кон „американската окупација“, а не кон кувајтскиот народ.
ЦЕНТКОМ: Ниту еден американски авион не е уништен во иранските напади
Централната команда на американската војска (CENTCOM) соопшти дека ниту еден американски воен авион не бил уништен или оштетен во неодамнешните ирански ракетни напади, отфрлајќи ги тврдењата што претходно ги објавија иранските медиуми.
„Ниту еден американски авион не е уништен ниту оштетен во неодамнешните обиди за ирански напади“, се наведува во соопштението на ЦЕНТКОМ.
Со тоа американската војска ги демантираше тврдењата на Иранската Исламска револуционерна гарда (IRGC), која претходно соопшти дека во нападите врз американски бази во Јордан биле уништени три борбени авиони Ф-35, додека уште три биле оштетени.