Од завршувањето на примирјето меѓу Израел и Хамас во март со израелски воздушни напади, бомбардирањата продолжија низ Газа.
Според болничките податоци, повеќе од 40 луѓе се убиени во последните израелски напади низ Појасот Газа, јавува Би-Би-Си.
Според извештаите, најмалку 36 тела биле пренесени во болниците на југот, каде што во текот на ноќта било забележано интензивно израелско бомбардирање.
Цел на нападот бил Кан Јунис, најголемиот град во јужниот дел на Газа.
Извор од болницата Насер во Кан Јунис потврди дека меѓу загинатите има и деца, вклучително и бебе. Нападите погодија куќи и шатори во кои се сместени раселените семејства во градот и околните области.
Локалните новинари објавија дека мртовечницата на главната градска болница била преполна со тела, додека ходниците на итната медицинска помош биле полни со ранети.