Азамат Улдаров, поранешен командант на приватната воена компанија Вагнер, го отфрли тврдењето дека убивал деца и други цивили во Украина. Во интервју за руската новинска агенција РИА-ФАН, тој посочи дека бил уценет да ги искаже овие тврдења. Да потсетиме, Улдаров заедно со Алексеј Савич, уште еден командант на Вагнер, дадоа интервју за руската група за човекови права Гулаг, пишува Си-Ен-Ен.
Улдаров и Савичев во тоа интервју изјавија дека се меѓу десетиците илјади борци на Вагнер, регрутирани од руските затвори да се борат во Украина. Улдаров му признал на Владимир Осечкин, основачот на веб-страницата Гулаг.нет, дека пукал и убил девојче.
"She's a little kid, 5 or 6 years old. I took a killshot. We were told to let no one out"
Russian project Gulagu net published a video with the confessions of two convicts, ex-commanders of Wagner PMC subdivisions – Azamat Uldarov and ex convict Aleksey Savichev.
They admit to… pic.twitter.com/X1cNpM0Rr6
— Anton Gerashchenko (@Gerashchenko_en) April 17, 2023
„Не ми беше дозволено да пуштам никого жив бидејќи наредбата беше да се убие се што ќе ми се најде на патот“, рече тој, проценувајќи дека девојчето имало пет или шест години.
Меѓутоа, во интервју за РИА-ФАН, Улдаров изјавил дека бил пијан кога дал интервју за Гулагу.нет и дека Осечкин всушност го уценувал поради времето поминато во затвор. „Те натераа да го кажеш тоа што го кажа на видеото, нели?“ го прашаа од РИА-ФАН.
„Не само што е вистина, проклето е вистина. Морав да го кажам тоа затоа што немав избор. Кажав се што ми беше кажано. Пригожин е одличен тип. Тој ни ги спаси животите“, одговори тој и подигна палец.
Тој изјави дека „имаат видео од него“, но не прецизираше кој точно. „Тие ме користат мене, го користат мојот минат живот и моето претходно убедување. Она што беше кажано таму беше кажано под диктат. Дали е ова доволно? Дали имате доволно?“, го заврши интервјуто за РИА-ФАН.
Осечкин, кој живее во Франција, рече дека останува на содржината на неговите интервјуа со двајцата мажи, наведувајќи го повлекувањето на Улдаров како доказ за тоа колку брзо се замолчуваат гласовите на различните луѓе во Русија. Тој додаде дека и на двајцата интервјуирани им се заканувале со убиство доколку не ги повлечат изјавите.
Основачот на Вагнер, Јевгениј Пригожин, истакна дека Савичев го барале последните 24 часа. „Тој мора да го контактира центарот за повици на Вагнер и гарантирам дека нема да биде кривично гонет, судски или на друг начин. Тој мора да контактира со кол центарот и да објасни зошто ја кажал оваа лага, кој стои зад тоа, како бил уценет и дали му се поставени некои други цели“, рече Пригожин преку Телеграм.
„Контактирајте со телефонскиот центар на Вагнер, дојдете, кажете ни сè. Гарантирам дека ќе заминете живи и здрави“, продолжи тој.
Пригожин изјави дека според информациите што ги добива од осуденици и поранешни осуденици, група луѓе меѓу кои и поранешни осуденици и вработени во Федералната затворска служба (ФСИН) активно соработуваат со странски групи, вклучително и Гулагу.нет.
Осечкин ги негираше обвинувањата и заклучи дека верува дека Пригожин прави се за да избегне кривична одговорност за однесувањето на борците на Вагнер.