Во Љубљана, каде што вечерва граѓани протестираа против новите владини мерки против ширењето на коронавирусот, полицијата употреби водени топови за да ги растера демонстрантите, а тие ги гаѓаа полицајците со камења и пиротехнички средства.
Како што пренесуваат локалните медиуми, десетици демонстранти се собраа да протестираат поради владините мерки, а организаторите на протестот, кој е закажан за утре, се оградија од учесниците на денешниот собир.
По употребата на водени топови и солзавец од страна на полицијата, демонстрантите се разотидоа, пишува „Словенечко дело“.
„Хеликоптери го надлетуваа центарот на Љубљана, а се слушнаа и неколку експлозии, веројатно од шок-бомби. Еден новинар е повреден, пишува „Дело“.