Едно лице загина, а неколкумина се повредени откако делови од руска ракета паднаа врз станбена зграда во северниот дел на украинската престолнина Киев, соопштија итните служби во Украина.
Градоначалникот на Киев, Виталиј Кличко се јави од местото на нападот.
„Непријателот продолжува да го напаѓа главниот град. Утрово, станбениот кварт во областа Подилски беше беше нападнат. Едно лице загина, 19 се повредени, од кои четири се деца. Оштетени се 6 станбени куќи, градинки и училиште. На местото работат спасувачи и лекари“, напиша тој на социјалните мрежи.