(ВИДЕО) По земјотресот, Турција зафатена од поплави, има и загинати

Од:

Најмалку пет лица ги загубија животите во поплавите во две турски провинции, кои беа уништени од земјотрес минатиот месец, јави денеска АП.

Силниот дожд и поплавите создадоа дополнителен проблем за илјадници луѓе кои останаа без покрив над главата, додаваат турските власти.

Едно лице загина во градот Тут во југоисточната провинција Адијаман, кога водата однела контејнер во кој живеела група преживеани од земјотресот, изјави гувернерот Нуман Хатипоглу. Четири лица од Тут се водат за исчезнати.

Во соседната провинција Шанлиурфа четири лица загинаа, а двајца пожарникари се водат како исчезнати по поплавите, изјави гувернерот Салих Аџан за „Хабертурк“.

Силен земјотрес ги погоди јужните делови на Турција и Сирија на 6 февруари, при што загинаа повеќе од 56.000 луѓе, повеќето од нив во Турција.

Би можело да ве интересира

Во и поплавите во Авганистан загинаа најмалку 50 лица

(ВИДЕО) Големи поплави во Германија, Италија, Белгија, Франција и Холандија

Горан Наумовски

Турција: Едно лице е тешко повредено во експлозија во зграда

(ВИДЕО) Големи поплави во Кина, повеќе од 50.000 луѓе се раселени

Горан Наумовски

Спасени сите кои беа заробени на жичарницата во Анталија

А1он

Голема поплава во Русија, илјадници евакуирани