(ВИДЕО) Откриено што му шепнала Меланија на Трамп на погребот на папата: Спречи гаф

Од:

Меланија Трамп мораше да интервенира и да му помогне на Доналд Трамп да ја надмине непријатната ситуација на погребот на папата Франциск денес, откако американскиот претседател речиси направи дипломатски гаф, објавува „Дејли меил“.

Повеќе од 400.000 ожалостени се собраа на плоштадот „Свети Петар“ за да му оддадат почит на папата Франциск од Аргентина, кој почина од мозочен удар на 88-годишна возраст на Велигденски понеделник.

Меѓу присутните имаше странски државници, светски лидери и монарси, а се известува дека на ова собирање во Ватикан учествуваа претставници од 130 земји и меѓународни организации.

Делегацијата ја предводеше 78-годишниот американски претседател и неговата сопруга Меланија, чиј 55-ти роденден се совпадна со денот на погребот на папата. Тие пристигнаа во Рим доцна претходната вечер.

За време на тричасовната католичка миса, во еден момент присутните беа поканети да си дадат „знак на мир“ со ракување.

Снимката го покажува Трамп како ги набљудува настаните околу него, но не учествува во ритуалот „знак на мирот“ сè додека Меланија не му дојде на помош, како што подоцна беше откриено.

Никола Хиклинг, форензичка читачка на усни, за „МејлОнлајн“ изјави дека Меланија му шепнала на сопругот да почне да се ракува, пред Трамп неволно да се ракува со францускиот претседател Емануел Макрон.

„Треба да го направиш тоа“, му шепна Меланија на уво, а потоа повтори.

„Добро, во ред“, одговори американскиот претседател.

Потоа тој се ракуваше со естонскиот претседател Алар Карис, како и со шпанскиот крал Фелипе VI и кралицата Летиција, пред да се сврти кон Макрон.

Би можело да ве интересира

Кошмарно утро во Киев: Русија изврши еден од најголемите напади врз главниот град на Украина

По 10 години, ОН повторно воведе сеопфатни санкции врз Иран

Сиљановска-Давкова за злонамерните написи: Фотографијата со претседателот Трамп и неговата сопруга е автентична

ВИДЕО: Стампедо предизвика индискиот актер и политичар, најмалку 36 мртви

Катастрофа во Русија: Воз излезе од шините, изби голем пожар – густ црн чад над областа

Вучиќ во Њујорк со Нетанјаху: Отворена темата за склучување договор за слободна трговија