Осомничениот за нападот во Ерусалим, во кој се повредени осум лица, и се предал на полицијата. Полицијата засега не соопштува детали за неговиот идентитет. Нападот уследи по тензиите меѓу Израел и Палестинците во Појасот Газа и Западниот Брег.
Вооружен маж отвори оган кон автобус во близина на Стариот град во Ерусалим рано утринава и рани осум Израелци.
Две од жртвите се во тешка состојба, според израелските болници каде се пренесени повредените. Оган бил отворен кон автобусот додека чекал на паркинг во близина на Западниот ѕид, кој се смета за најсвето место каде Евреите можат да се молат.
Израелската полиција соопшти дека униформирани полицајци биле испратени на местото на настанот за да заÐ �очнат истрага. Израелските безбедносни сили влегле во блискиот кварт Силван во потрага по осомничениот напаѓач.