Иран почна воени напади врз неколку земји од Персискиот Залив, вклучувајќи ги Катар, Саудиска Арабија и Обединетите Арапски Емирати, откако беше погодено гасното поле Јужен Парс. Оваа ескалација дополнително ги зголеми тензиите во регионот и предизвика загриженост за глобалната енергетска безбедност.
QatarEnergy’s Ras Laffan Industrial City to the north of Doha, Qatar's main site for the production of liquefied natural gas and gas-to-liquid, as well as the largest export terminal for LNG in the world, has been heavily targeted tonight by ballistic missiles fired by Iran.… pic.twitter.com/Ax9WaOjDAK
— OSINTdefender (@sentdefender) March 18, 2026
Министерството за надворешни работи на Катар остро ги осуди иранските напади врз енергетските постројки во Саудиска Арабија и Обединетите Арапски Емирати. Во официјалното соопштение се наведува дека овие напади се „грубо кршење на принципите на меѓународното право“ и претставуваат „сериозна закана“ за глобалната енергетска безбедност.
Во соопштението за медиумите се истакнува и дека „бруталната иранска агресија“ кон соседните земји „ги премина сите црвени линии“. Катарските власти ја нагласија итна потреба од смирување на ситуацијата со цел да се врати регионалната и меѓународната безбедност и стабилност.
Претходно, според достапните информации, ирански ракетен напад ја погоди индустриската зона Рас Лафан во Катар.