Објавени видео снимки од четворицата директно обвинети од Русија дека го извршиле масакрот во концертната сала во Москва, а од кои се гледа дека биле мачени.
Тие беа снимени додека беа изведени пред судот во Москва во неделата, а тројца сè уште можеа да застанат на нозе, додека четвртиот беше однесен во инвалидска количка. Сите се обвинети за тероризам.
Одговорноста за нападот на градското собрание Крокус ја презеде Исламската држава, која на социјалните мрежи објави вознемирувачки видеа од внатрешноста на салата на кои се гледа како терористите пукаат во цивили.
Руските власти ги идентификуваа четворицата напаѓачи како Далерјон Мирзоев, Саидакраим Муродали Рачабализода, Шамсидин Фаридуни и Мухамедсобир Фаизов. На видеото што беше објавено, се гледа како маскирани полицајци ги носат пред окружниот суд Басмани во руската престолнина.
Очигледно тие биле тепани и мачени од руските безбедносни сили. На социјалните мрежи протекоа вознемирувачки снимки кои, според Би-би-си, очигледно биле објавени од безбедносните сили.
Тие покажуваат брутално испрашување. На една снимка се гледа како на еден од напаѓачите му е отсечено уво, а Би-Би-Си јавува дека некои снимки сугерираат дека најмалку на еден од напаѓачите му била пуштана струја.
Мажите идентификувани од судот како Мирзојева и Рачабализоду имаа црни дамки на лицето, а Рачабализоду имаше завој над главата во пределот на увото. Се шпекулира дека станува збор за напаѓачот кому Русите при сослушување му го отсекле увото.
The Russians cut off this terrorist's ear yesterday and now he has been taken to his court hearing pic.twitter.com/q6aOCdlEEc
— Iran Observer (@IranObserver0) March 24, 2024
Покрај тоа, на Мирзојев околу вратот му беше завиткана искината најлонска кеса, што фрла сомнеж за тортура со гушење, но и желба на руските власти да и покажат на јавноста дека ги мачеле напаѓачите кои го извршија смртоносниот напад на концертната сала.
One of the apprehended terrorists responsible for the attack in Moscow had to be wheeled into court with a wheelchair. He was fine when they caught him. pic.twitter.com/5fQ7FPhaO6
— Ian Miles Cheong (@stillgray) March 24, 2024
Лицето на човекот идентификуван како Фаридуни беше тешко отечено, а човекот по име Фаизов, кој беше изведен во судот во инвалидска количка облечен во болничка наметка, ја губеше свеста. Се чини дека му недостасува око, јави новинската агенција Ројтерс.
Во соопштението на судот се наведува дека Мирзоев „целосно ја признал вината“, додека и Рачабализода ја „признал вината“. Мажите се идентификувани како државјани на Таџикистан, објави руската државна новинска агенција Тас.
Сите четворица ќе бидат во истражен притвор најмалку до 22 мај, додаде судот.