Час откако словенечките медиуми известија дека во центарот на Љубљана две лица се загинати, уследија нови информации според кои пукањето се случило во кафуле, а наводно пиштолџијата имал и бомба.
Наводно, пукањето се случило во барот Сомбреро. Полициската управа во Љубљана најпрвин соопшти дека сторителот е во бегство, а потоа во околината пронашле мртов маж за кој сметаат дека може да биде сторителот.
Според неофицијални информации од СТА, сторителот наводно побегнал со автомобил, а со себе наводно имал повеќе оружје и рачна бомба. Тој го запрел автомобилот во Поље, излегол од него и потоа се самоубил. Полицијата се уште не ја потврди оваа информација.
Неофицијално, станувало збор за ескалација на расправијата меѓу тројцата мажи. Двајцата, сопственикот и косопственикот на заложна куќа, наводно пиеле кафе на терасата од локалот кога им пришол трето лице. Биле деловно поврзани меѓу себе, убиените двајца наводно му должеле пари на сторителот.