Нова аматерска снимка од падот на малезискиот „Боинг“, кој во јули годинава се урна во Украина при што загинаа 298 лица, се прошири на интернетот.
Записот е направен со мобилен телефон и го прикажува сиот ужас, кој настанал по несреќата.
На снимката се гледа висок столб од црн чад, кој го прикрива небото и неколку мештани, како со кофи вода се обидуваат да го изгаснатпожарот по падот, додека остантите само шетаат во состојба на шок.
Автентичноста на овој запис е потврдена, а објавувањето се случува во момент кога започна отстранувањето на остатоците од авионот.
За потсетување малезискиот „Боинг 777“ се урна на 17 јули при што загинаа 280 патници и 15 членови на екипажот во Украина, во близина на границата со Русија.
Во авионот кој сообраќаше од Амстердам кон Куала Лумпур од вкупно 298 лица, 154 биле државјани на Холандија. Е. Г.