Алармантниот недостиг на храна, зголемената неухранетост и неконтролираното ширење на болести може да предизвикаат експлозија во смртноста на децата во Газа, предупредија Обединетите нации.
Дваесет недели по почетокот на израелската војна против Хамас во Појасот Газа, агенциите на ОН предупредија дека храната и безбедната вода станале „неверојатно оскудни“ на палестинската територија, додавајќи дека речиси сите мали деца имаат заразни болести.
🚨BREAKING: Palestinians in North Gaza risk their lives amidst fire from “Israeli” tanks to obtain flour in light of a state of severe famine. pic.twitter.com/AC84qgrd4z
— Censored Voice. (@CensoredNws) February 20, 2024
Најмалку 90 отсто од децата на возраст под пет години во Газа имаат една или повеќе заразни болести, се вели во заедничката проценка на агенциите на ОН за деца, храна и здравје.
„Гладот и болеста се смртоносна комбинација“, изјави службеникот за итни случаи на Светската здравствена организација (СЗО), Мајк Рајан. „Гладни, ослабени и длабоко трауматизирани деца почесто се разболуваат, а болните деца, особено оние со дијареа, не можат добро да ги апсорбираат хранливите материи“, рече тој.
„Тоа е опасно и трагично и се случува пред наши очи.
Од почетокот на војната, Газа западна во криза со храна, а надворешната помош е сериозно ограничена. Проценката на ОН покажа дека повеќе од 15 отсто од децата на возраст под две години во северниот дел на Газа, или едно од шест, се акутно неухранети, додека три отсто страдаат од тешка исцрпеност.
A Palestinian boy couldn't wait to reach his tent before taking a sip as severe hunger & famine hits Gaza #AirDropAidForGaza @OnlinePalEng pic.twitter.com/NxrA0bejkY
— Sarah Wilkinson (@swilkinsonbc) February 19, 2024
„Тоа е најопасна по живот форма на неухранетост, што ги става малите деца на најголем ризик од медицински компликации и смрт, освен ако не добијат итен третман“, соопшти СЗО.
„Бидејќи податоците беа собрани во јануари, ситуацијата денес е веројатно уште потешка“, предупредија агенциите на ОН. Во јужниот дел на Газа, се проценува дека пет проценти од децата на возраст под две години се акутно неухранети.
Според податоците на СЗО, покрај 90 отсто од децата на возраст под две години и 95 отсто од трудниците и доилките, „се соочуваат со сериозна несигурност во храната – што значи дека консумирале две или помалку групи на храна претходниот ден“.
Се додава и дека храната до која имаат пристап има најниска хранлива вредност. 95 отсто од домаќинствата „го ограничуваат оброците и големината на порциите“, а 64 отсто од домаќинствата јадат само еден оброк дневно.
Повеќе од 95 отсто од домаќинствата рекле дека ја ограничиле количината на храна што ја јадат возрасните за да се осигураат дека малите деца имаат храна, соопшти СЗО.