Пред новото седиште на Европската централна банка во Франкфурт, кое што денеска треба да започне со работа, дошло до судир помеѓу демонстранти и полиција, која со солзавци се обидувала да ги протера, пренесе „Русија денес“.
Инцидентот се случил помеѓу активисти на алијансата „Блокирај -окупирај“ и полицијата пред денешното отворање на новата зграда на Европската централна банка.
Според наводите на медиумите полицијата вчера во Франкфурт со барикади и бодликава жица го опкружила седиштето на банката со цел да ги спречи насилните демонстранти, кои се против мерките за штедење и капитализмот.
Се очекува дека на протестниот собир на централниот плоштад во Франкфурт ќе дојдат околу 10.000 лица.
Е.Г.