Палестинците се забарикадираа во џамијата Ал Акса во текот на ноќта, што ја зголеми загриженоста за конфликт доколку израелската полиција одлучи да ги отстрани од локацијата.
Од почетокот на неделната муслиманска утринска молитва, т.н Утринската молитва, влезот во комплексот Темпл Монт, свето место за Евреите, муслиманите и христијаните, бил отворен, а полицијата не се обидела да ги отстрани палестинските верници кои се молеле во Ал Акса, пишува дневниот весник Jerusalem Post.
Посетата на Евреите на Ал Акса требаше да започне утрово, а засега е нејасно дали израелската полиција ќе се обиде да ги отстрани палестинските верници.
Ерусалим пост наведува дека околу 200 еврејски верници чекаат да влезат во комплексот Темпл Монт.
Kicking soccer balls, lighting fireworks and stockpiling rocks in one of the holiest sites for #Muslims. #Palestinian terrorists are desecrating this Holy Site and use it to promote violence against #Jews. pic.twitter.com/T7m0SZhke8 #Israel #Jewish #Jerusalem #Gaza #Hamas #Syria
— Jewish News Agency (™) (@JewishNewsUSA) April 8, 2023
Јорданското Министерство за надворешни работи предупреди во саботата вечерта на „катастрофални последици“ доколку израелските полициски сили влезат во Ал Акса за да ги отстранат Палестинците, нагласувајќи дека таквиот потег ќе ја сврти ситуацијата кон „поголема тензија и насилство, секој ќе ја плати цената“.
Израелското Министерство за надворешни работи во реакцијата одговрои дека „оние кои ја сквернават светоста на џамијата Ал Акса и се забарикадираат во неа се опасна толпа, радикализирана и поттикната од Хамас и други терористички организации“.
Портпаролот на Хамас за градот Ерусалим, Мухамед Хамаде, предупреди дека, како што наведе, „агресијата на окупаторите ќе биде дочекана со отпор и одговор на злосторствата на окупацијата на начин што е пропорционален на големината на злосторството“.